Asko izan dira urte honetan landutako gaiak eta ekintzak: «urte bat daramagu funanbulisten antzera gure sarean jira eta buelta, itzulipurdika gozatuz. Determinazioz gure eskubide, nahi eta desirak gehiago zapaltzerik ez dugulako utziko!». Urteurrena ospatze aldera pestarako deia ere egina zuten ekainaren 19an.
Ospatu soilik ez, hitzordua urtebeteko lanketaren emaitza aurkezteko ere baliatu nahi izan zuten: lanketari Sastrakak izena jarri zioten. Taldeko kide izateko gonbidapena ere luzatu zuten: «etorkizuneko sorginek libre hegan egiteko borrokatzen dugu. Pertsonak aske diren eskualde justu batekin amesten dugulako».
Udalak talde feministarekin bat egin du «eskubide eta aukera berdinak dituen jendarte baten aldeko lanean» euren «sustengu eta konpromisoa» izanen dutela adieraziz.