Bederatzinako berdinketaren ondotik, 19 urteko goizuetarra bihurtu zen finaleko izarra, Elizegik ongi lagunduta. Bikuñak ez zuen pilota espero zen bertze astindu eta, ondorioz, Canabal igantziarrak defentsa lanean aritu behar izan zuen. Azkenean, espero zena baino alde handiagoarekin nagusitu ziren Salaberria eta Elizegi: 22-12.
Iker Salaberria Biharko Izarrak txapelketaren hamaseigarren edizioko pilotari onena izendatu zuten. Finalean 14 tanto egin zituen, horietatik 3 sakez. Gainera, txapelketa hau bitan irabazi duen pilotari bakarra da.
