Pesta batzordeak bakoitzari buruzko informazio pixka bat ematearekin batera, botoa emateko egunak zehaztu ditu. Botoa datorren larunbatean, Sagardo Egunean; ekainaren 21ean, feria garaian; eta hilaren 23an, San Juan bezperan eman ahal izanen dute.
Bertso eskolaren kasuan 2001az geroztik, sortu zenetik, igarotako neska-mutil kopurua oroitaraztearekin batera, bertsozaletasuna sustatzen egindako ahalegina eta Nafarroako Bertso Txapelketan izan diren kideek egindako lana goraipatu dute.
Iñaki Perurenari dagokionez, harri jasotzen eta herri kirol munduan aritua izateaz gain, bere pasioak mundura zabaltzeko eta eskultura, pintura, herri-kirol, bertsolaritza, euskara eta Leitzako herria ezagutarazteko egindako guztia nabarmendu dute.
Aurrera Kirol Elkarteko Futbol Taldeari helduz, 1984tik egunera arte gazteriari emandako aukerak eta boluntarioki egin duten eta egiten duten lana ageriko egin dituzte.