Aldizkariko edukiak biltzeko deia egitearekin batera, azal lehiaketa antolatu dute. Parte-hartzaileek «nahi adina lan, estilo eta teknika librean» aurkeztu ahal izanen dituzte eta gutxienez A3 tamainakoak izan beharko dute. Aurreran edo Maimurren aurkeztu beharko dituzte, sinadurarik gabe, izengoitia jarriz eta beste gutunazal batean egilearen datuak sartuz. Gutunazal hori izengoitiarekin sinatu beharko dute.
16 urtetik beherakoek 'Plazaola-Leitzako aldizkaria-41.zenbakia' testua jarri beharko dute eta irabazleak oparia jasoko du saritzat. 16 urtetik gorakoek, berriz, 'Leitza 2019-Tiburtzio Donearen Pestak-41.zenbakia' adierazi beharko dute eta azken hori irabazten duenak 150 euro jasoko ditu. Lanen erakusketa eta bozketa San Juan bezperan izanen da, plazan.
Azal lehiaketan parte hartzeko epea ekainaren 21ean, ostiralean bukatuko da eta lanak Aurrerak gordeko ditu.