Oier Apezetxeak eta Mikel Perurenak irabazi dute Goizuetako binakako pilota txapelketa azkarra

Jon Zabaleta eta Ekaitz Narbarte izan ziren azpitxapeldun.

Joan den larunbatean, maiatzaren 25ean, Umore Onak antolatuta, pilota gozoarekin jokatu ohi duten binakako txapelketa azkarraren V. edizioa izanen zuten Goizuetan. Azken urteetako parte-hartze handiena izan zen. Bederatzi bikotek parte hartu zuten; herriko zortzik eta kanpotik bertaratutako batek. Arratsalde osoan giro ederra izan zuten.

Lau ordu eta erdiko txapelketa izan zen eta frontoia ia arratsalde osoan betea egon zen, pilotazaleak ez ezik, pilotarien familia zein lagunak bertaratu ziren.

Sailkapena

Oier Apezetxea eta Mikel Perurena izan ziren txapeldun; Jon Zabaleta eta Ekaitz Narbarte, berriz, azpitxapeldun.  Hirugarren postua Aitor Aizkorbe eta Martin Etxeberria sailkatu ziren eta laugarren Mikel eta Iñaki.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun