Datozen astekoak
Maiatzaren 29an, Passivhaus etxebizitzen inguruan ariko da solasean Adelina Uriarte Aurreran 19:00etatik aurrera.
Maiatzaren 30ean, osteguna, Aralar: Mundua leku den lurra dokumentala ikusteko aukera izanen dute Aurrera Elkartean 19:30etatik aurrera.
Ikusle izatetik, kameraren aurrean edo atzean jartzeko gonbidapena ere egin nahi izan diete herritarrei. VIII. film labur txapelketa antolatu dute Atekabeltzen eta bildutako lanak ikusgai izanen dira maiatzaren 31n 23:00etik aurrera.
Ekainaren 1ean, larunbatean, musika estiloak ezagutzeko aukera izanen da ipuin- kontaketa eta tailer baten bidez. 11:00etan hasiko da saioa eskolan eta 13:00etan Sorgina pirulinak youtuber izan nahi du emanaldia eskainiko dute. Arratsaldean, berriz, 18:30ean, Atekabeltzen Haur Hezkuntzako tailerrak eginen dituzte.
Ekainaren 2an, 41. Eskulangintza Azoka egitekoa dute eta ekainaren 6an, ostegunean, Asisko Urmenetak Agosti Xaho Leitzan hitzaldia eskainiko du 19:00etan liburutegian.
Ekainaren 8an, larunbatean, egun osoko besta izanen da. Goizean, 11:00etan gaztetxeen arteko mahai-ingurua antolatu dute Atekabeltzen. 17: 00etan Erleta eskolan Tor Magoaren emanaldia izanen dute eta 19:00etan plazan Sagardo Egunari emanen diote hasiera. 23:00etan Jaramonik ez eta Sustrai berriak taldeen kontzertuak izanen dituzte.
Ekainaren 9an, Irribanda ikuskizuna eskainiko dute kiroldegian 18:00etatik aurrera. Sarrerak dagoeneko salgai daude Astiz eta Maimurren eta Lesakako Telletxea argazkidendan, 10 eurotan.