Ane Zuazubiskarrek eskuratu zuen entzuleen saria eta Ibai Amillategik betso onenarena
Joanes Illarregi leitzarrarentzat izan da aurtengo Gabiriako Osinalde Saria. Larunbatean jokatu zen finala, herriko elkartean. Areto bete jende bertaratu zen Eli Pagola, Ibai Amillategi, Danel Olano, Oier Etxeberria, Ane Zuazubiskar eta Joanes Illarregiren saioaz gozatzera.
Entzuleen saria Ane Zuazubiskarrentzat izan zen eta bertso onenarena Ibai Amillategirentzat.
Patxi Iraola oroimenean
Saio hasieran larunbatean hil zen Patxi Iraola, bertsolari zaldibiarra, aipatu zuten, «Goierriko bertsogintzaren ikur» eta 1971n I. Osinalde Sariaren irabazlea izan zena.