Besteak beste, haurren eguneko ekitaldi nagusiari dagokionez, hainbat proposamen jaso zituzten: animaliak, zirkoa, ur festa... Musikan Jazpana orkestriña eta Errebal izan ziren aipatutakoak. Azken hitza zehaztu gabe dagoenez, jai batzordekoek «hurrengo bilkurara joateko edo batzordeko kideei jakinarazteko» deia luzatu nahi izan dute.
«Arkume-jatea kolokan dago, jendea behar baita. Maiatzaren 4an erabakiko da egin edo ez egin»
Maiatzaren 4an bilera
Hurrengo bilera maiatzaren 4an, larunbatean, izanen da eta bertan, besteak beste, arkume-jatea aurrera aterako den edo ez adostuko dute. Antolakuntzan dabiltzatenek «jende eskasia tarteko, kolokan dagoen ekintza» dela argitu dute. Hori erabakia delarik, egitaraua zehazteari ekinen diete.