21. Korrika

Korrika ttikia larunbatean Goizuetan

Goizuetarrek Basakabin egin zuten Korrika.

Larunbatean Korrika ttikia izanen dute eta igandean Gasteizera joanen dira.

Korrikak azken kilometroak eginen ditu asteburuan. Dena dela, hondarreko momentura arte hainbat ekitaldi izanen dira Euskal Herrian. Goizuetan, esaterako, larunbatean, apirilaren 13an, izanen da Korrika ttikia.

11:00etan zehaztu dute hitzordua, herriko plazan. Aurretik, 10:30ean, irekiko dute izen-ematea. Euskararen aldeko ekarpenak egiteko parada izanen dute bertaratzen direnek (lekukoa bost eurotan salduko da eta borondatea eskertuko da). 

Igandean, Gasteizera

Apirilaren 14rako, iganderako, ateraldia ere antolatu dute. Korrikaren bukaera ekitaldira joateko autobusa 09:00etan abiatuko da Goizuetako plazatik eta 19:00etan itzuliko da. Amaia kafetegian eman daiteke izena 10 eurotan eta gutxienez 15 lagun bildu beharko dira.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun