Irudi ikusgarriak utzi ditu Korrikak Leitzan

Jendetza mugiarazi zuen apirilaren 8an Korrikak Leitzaldean. 17:40 aldera, Basakabin hartu zuten lekukoa Leitzako Aurrera eta Alke elkarteko kideek  eta maldan behera, herrigunera arteko bidea osatu zuten Kaxkabeltzako ordezkariek, Sarrioko langileek, Zirate kuadrillakoek eta ikastetxeetako haur eta gaztetxoak. Atekabeltzeko ordezkarien eskuetan sartu zen lekukoa herrigunera eta harrera beroa egin zioten Korrikari herritarrek. Leitzako Udaleko ordezkarien txanda izan zen gero eta  Mikel Zabaleta alkateak pasa zien lekukoa Uitziko gainerako bidean esperoan zeuden aresoarrei. Aresoko haurrek, eragileek eta Udaleko ordezkariek ere bi kilometro egin zituzten korrika.