Itun hori sinatzearekin batera hainbat dira Udalak begiz jo beharreko helburuak: lurraldea deskarbonizatzeko urratsak ematea, klima aldaketara egokitzeko gaitasunak indartzea, herritarrek energia modu seguru eta jasangarrian jasotzea...
Udalak, bere aldetik, hainbat konpromiso hartu ditu: «CO2 isuriak murriztea eta klima aldaketaren eraginera egokituz erresilientzia handitzea», esaterako. Konpromisoak eginkizun bihur daitezen, atalez ataleko planteamendua bere egin du. Horrela bada, hasteko, isurien inbentarioa eta klima aldaketak eragindako arrisku eta kalteberatasunen ebaluaketa eginen du; ondotik, klima eta energia jasangarrirako ekintza plana aurkeztuko du; eta azkenik, planaren ebaluaketa eta jarraipena eginen du.