Zuzendaritza batzordeko kideak ere zehaztu zituzten. Aurreko bost kidek eta larunbatean erabakitako beste bostek (bi urtez aldatzen direnak) osatuko dute taldea orain. Lehendakariorde Jesus Mari Apezetxea; erosketa-arduradun Pili Untxalo; diruzain Fermin Narbarte; eta bi bokalak, Eli Apezetxea eta Xabier Etxegia izanen dira.
Era berean, hiru herritar gaztek elkartean izena eman zuten eta hirurak onartuak izan ziren. Joan den urtean bost sartu ziren. Urte batzuz bazkide berriak sartzeko joera izoztuta egon dela aintzat hartuz, elkarteko kideek aberasgarritzat jo dute bi urtez zortzi kide sartzea. Horiekin, 246 bazkide dira.
Bizpahiru gairi buruz eztabaida bero eta luzeak izan zituzten eskari eta galderen atalean. Giro ederra izan zuten eta ongi joan zen batzarra.