Larunbat gauean, bi suteren ondorioz, 17 hektarea erre ziren Goizuetan. Suteak bata bestetik hurbil eta otsailaren 27an eta martxoaren 5ean piztutakoetatik urruti gertatu ziren.
Larrialdietan 20:30 inguruan jaso zuten deia, Artikutza inguruan, Arantzako mugan, sutea piztu zela adieraziz. Goizuetako suhiltzaile boluntarioak eta Oronozkoak bertaratu ziren. 01:30 inguruan sua itzaltzea lortu zuten. Jakinarazi dutenez, sute horren ondorioz, 14,5 hektarea inguru erre ziren.
Suhiltzaileek sua itzaltzen ari ziren bitartean, kilometro bateko distantzian, Artikutza eta Zubieta artean, beste sute bat ikusi zuten. Agudo itzaltzea lortu zuten eta 2,5 hektarea inguru erre ziren.