Datorren martxoaren 16an, eginen dute Goizuetako Umore Ona elkarteko Bazkideen Ohiko Batzar Orokorra. Elkartean bertan bilduko dira eta bi deialdi izanen dituzte: 17:00etan lehendabizikoa; eta 17:30ean bigarrena.
Egungo egoeraz eta 2019rako aurrekontuaz ariko dira
Bilkuran, besteak beste, honako alderdiok landuko dituzte: aurretiko bilkurari dagokion aktaren irakurketa eta, bidezkoa bada, horren onespena; oroitza txostena, gastuak eta balantzea; eta 2019rako aurrekontuen onespena. Komisioko bodega-arduradunaren, presidentearen, diruzainaren eta beste bi kideren hautaketa ere eginen dute. Bukatzeko galderak erantzunen dituzte.
Fitxen eguneraketa
Batzarra iragartzearekin batera, egun dauden 243 bazkideen-fitxak eguneratzeko deia egin dute goizuetakoumoreona@gmail.comera beraien e-maila bidaltzeko eskatuz.