Astelehenean, mozorroak baserrietan dabiltzan bitartean, 12:00etan konpartsa herrian barrena ibiliko da eta 13:30ean umeentzako bazkaria eginen dute. Arratsaldean, 14:00etatik 16:30era umeentzako tailerrak eta zinea izanen dituzte. 14:30ean helduek bazkaria eginen dute eta 18:00etan txokolate beroa eskainiko dute. 18:30etik 21:00etara Ostolaza eta Ezkerra trikitilarien emanaldia izanen da eta 19:30etik aitzinera mozorroak itzuliko dira dultzaineroen laguntzarekin. Eguna borobiltzeko, 22:00etan mozorroek afaria eginen dute.
Asteartean, berriz, mozorroak herriko kaleetan ibiliko dira eta 13:00etan bazkaltzeko elkartuko dira. 17:00etan zahagi dantza eginen dute eta 16:30etik 21:00etara eta 00:00etatik 02:00etara Laja eta Larrañaga trikitilariak ariko dira. Gauez mozorroek afaria ere eginen dute.
Larunbateko kontuen egunarekin borobilduko dituzte inauteriak Goizuetan.