Bi minutuko bideo batean lau urtetako lorpenak bildu ditu Udalak. Zorpetzea, 1989tik lehenbiziko aldiz, milioi bat eurotik jaistea lortu dutela gaineratu dute. Ez da hori izan egindako aurrerapauso bakarra. Izan ere, UEMAn tontorrera ailegatzea; II. Berdintasun Plana osatzea; argazki historikoak digitalizatu eta artxibatzea; Gizarte Zerbitzuen ekarpena %30etik goiti handitzea; Herri Aretoa moldatzea; garbigunea irekitzea; Ibero dorrea eta Erdi Aroko zubia zaharberritzea; kiroldegian, igerilekuan eta frontoian moldaketak egitea; zuntz optikoa martxan jartzea; parte-hartzea sustatzea; jasangarritasuna lantzea; energia gastua murriztea... lortu dute.