Goizuetako inauteriak ere gainean ditugu. Astelehena eta asteartea izaten dira egun handiak, baina igandean gaztetxoen zahagi dantza eta mozorroen afaria ere izanen dira. Astelehenean, mozorroak baserrietan dauden bitartean, eguerdian disfraz eta karrozen desfilea eginen da herrian, aurtengoan bikingoen festa. Asteartean herrian barna ibiliko dira mozorroak eta zahagi dantza dantzatuko dute arratsaldean. Inauteriak bukatzeko, kontuen eguna izanen dute martxoaren 9an.
Martxoak 3, igandea
17:00etan Gaztetxoen zahagi dantza. 18:00etatik 21:00etara Ostolaza eta Ezkerra trikitilarien saioa. 21:30ean Mozorroen afaria.
Martxoak 4, astelehena
08:00etan Mozorroen irteera baserrietara. 10:00etan Plazaren apaintzea, gaia: Bikingoen festa. 11:00etan hamaiketakoa eginen dute. Ondoren konpartsa herrian barrena ibiliko da. 13:30ean umeentzako bazkaria. 14:30ean Helduen bazkaria. 18:00etan txokolate beroa. 18:30etik 21:00etara Ostolaza eta Ezkerra trikitilarien emanaldia. 19:30ean Mozorroen etorrera herrira dultzaineroekin. 22:00etan Mozorroen afaria.
Martxoak 5, asteartea
09:00etan Mozorroen gosaria. 10:00etan Mozorroak dantzan herriko kaleetan. 14:00etan Mozorroen bazkaria. 17:00etan Zahagi dantza, Izkina tabernatik hasita. 16:30etik 21:00etara Laja eta Larrañaga trikitilariak. 22:00etan mozorroen afaria. Gauerditik 02:00etara Laja eta Larrañaga trikitilariak.
Martxoak 9, kontuen larunbata
13:00etan poteo musikatua Igandea txarangarekin. 14:00etan Mozorroen bazkaria. 17:30ean aldera poteoa Igandea txarangarekin.