Egun osoa daramate suhiltzaileak lanean (Iruñekoak, Oronoz-Mugairikoak eta Goizuetakoak). Hartu duen neurria dela eta, helikopteroaren laguntza ere badute itzaltze lanetan. Batez ere mendia ari da erretzen, pinudi berriak eta larreak, Berazkun aldean. Goizuetako hau, oraingoz, Nafarroan negu honetan izan den suterik handiena dela diote Nafarroako Suhiltzaileek.
Goizaldera, Iruritan eta Beintza-Labaienen ere suteak izan dituzte. Iruritakoa eguerdi aldera kontrolatzea lortu dute.
Zugarramurdin eta Ezkurran ere sute gehiago izan dira.