Lauro ikastolako gaztetxoak Goizuetako familietan hartzeko gonbidapena egin du UEMAk

Lauro ikastolako gaztetxoak Goizuetako familietan hartzeko gonbidapena egin du UEMAk
Goizuetan Aste Santua pasatzeko aukera izanen dute Lauro ikastolako gaztetxoek. Lau harrera-familiaren bila hasi dira herrian.

Apirilaren 22tik 28ra bitarteko astea pasatzeko behar dituzte lau harrera-familia 

UEMAk Lauro ikastolako gaztetxoak eremu euskaldunetako familietan hartzeko bost udalerri aukeratu ditu; horien artean Goizueta. Hori horrela, gaztetxo horiek etxean hartzeko prest dauden lau familia behar dituzte. 

Egonaldia eta baldintzak

Egonaldia Aste Santuan izanen da, apirilaren 22tik 29ra bitarte eta harrera-familia bakoitzari, gazte bat etxean hartzearen truk 150 euro emanen zaizkio, gazteak sor ditzakeen jardueretako gastuak ordaintzeko. Harrera-familiek honako baldintzok bete behar dituzte: kide guztiak euskaldunak izatea; etxeko hizkuntza euskara izatea; 3. edo 4. DBHn dagoen seme-alabaren bat izatea; eta gaztea hartzeko logela bat izatea (edo seme-alabekin partekatzea).

Harrera familiek gaztea bederatzi egunez etxean hartzearekin batera, jatorduak eman eta lagunartean txertatu beharko dute. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun