Euskal Herria Mendi Erronkarako izen-ematea zabalik dagoeneko

Ttipi-Ttapa 2019ko ots. 3a, 10:00
Deskargatu Info Ahotsak :
Español English Français Català Galego

Errelebo lasterketa egiteko aukera ere izanen dute aurten Euskal Herria Mendi Erronkan.

Martxoaren 31 baino lehen izena ematen duten parte-hartzaileek gutxiago ordaindu beharko dute 

Otsailaren 1ean ireki da maiatzaren 18an eginen duten Euskal Herria Mendi Erronkarako izen-ematea.  Interesa dutenek www.ehmendierronka.eus atarian eman dezakete izena. Martxoaren 31 baino lehen izena ematen duten kirolari federatuek 56 euro ordaindu beharko dituzte; apiriletik maiatzaren 4ra bitarte izena ematen dutenek, berriz, 66. 

Errelebo-lasterketa

Zazpigarren edizioa berrikuntzekin dator. Izan ere, emakumezkoen parte-hartzea sustatzeko asmoz, errelebo-lasterketa izanen dute (bikote bakoitzeko 75 euro edo 85, izen-emate egunaren arabera).

Izena ematen duten bikoteetatik bat, gutxienez, emakumezkoa izan beharko da. Lehendabiziko korrikalariak Leitzatik Putzuzarrera eraman beharko du lekukoa (33,8 kilometro); bigarrenak, berriz, hortik helmugara (34,2 km).

Lasterketa, orain artean bezala, herriko plazan hasi eta bukatuko da. Bai banaka baita bikoteka laster egiten dutenek ere 67 kilometroko ibilbidea osatu beharko dute.

Kirola Leitzaldea Leitza

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!