Italian jokatu zen Bardonecchiako jaitsieran lehenbiziko postua eskuratu zuen urtarrilaren 25ean eta orain Suedian lehiatuko da otsailaren 4tik 17ra
Adur Etxezarreta Aresoko eskiatzaileak Italian jokatu zen Bardonecchiako jaitsieran lehenbiziko postua eskuratu zuen urtarrilaren 25ean, Nazioarteko Eski Federazioak antolatzen du proba Alpinoko Munduko Kopako Biraren baitan. Gaztetatik eskiei lotua, Espainiako Neguko Kirol Federazioko taldekidea da gaur egun aresoarra eta otsailaren 4tik 17ra Suedian jokatuko en Munduko Eski Alpino txapelketan parte hartuko du.
23 urte bete berri ditu Etxezarretak (Areso 1996/01/27) eta ttikitatik lotu zen eskiari. Euskal Herriko Unibertsitatean jarduera fisikoaren eta kirolaren gradoa ikasia da. Etxezarretaren pistarik gogokoena Candanchukoa omen da.
Joan den denboralditik Espainiako Neguko Kirolen Federazioko jarraipen bereziko taldean sartua dago eta Suediako Are hirian, Munduko txapelketan parte hartuko du Espainiako selekzioarekin, Nuria Pau, Alex Puente, Joaquim Salarich eta Juan Del Camporekin batera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.