Goizuetako Udalak kale argiteria berrituko du

Goizuetako Udalak kale argiteria berrituko du
Herriko 160 farolak ordezkatzeko bi hilabeteko epea dute.

Horri esker, kale-argiteriaren elekrizitate gastua %70 murriztea espero dute.

Goizuetako Udalak ondorengo bi hilabeteetan herriko argiteria berrituko du. Egungo farolek merkurio eta sodio baporezko teknologia erabiltzen dute, zaharkituta dagoen teknologia, kontsumo handikoa eta kutsakorra. Hori saihesteko, Udalak LED argiteriarekin ordezkatuko du.

Lanak Loyola Norte enpresak eginen ditu eta 69.727, 30 euroko aurrekontua dute. Urtarrilaren 14an sinatu zuten kontratua eta ordutik hasita bi hilabeteko epea dute 160 farolak berritzeko. Udalak, lanok egiteko, Gobernuaren diru-laguntza jaso du; inbertsioaren %60koa zehazki.

Argiteria ordezkatuta kale-argiteriaren gastua %70 murriztea espero dute.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun