Leitzako inauteriak ate joka ari dira dagoeneko. Urtero bezala, ohiko egitarauaz gain, gaztetxean ere mugimendua antzemanen da. Ilbeltzaren 26rako, larunbaterako, hitzordu ederra antolatu dute.
21:30ean afaria izanen dute. Bertsolariek girotuko dute mahai-ingurua eta sorpresak ere izanen dira. Txartelak ostegunera arte Torrean egonen dira salgai. 00:45ean, plazan, brindisa eginen dute; 01:00etan, berriz, omenaldia Atekabeltzen. Eguna borobiltzeko, dagoeneko tradizio bihurtu den karaokeaz gozatuko dute.