Aurreko jardunaldietan ere hainbat nekazari eta abeltzainen bizipenak partekatzeko parada izan dute Goizuetan. Izan ere, Juanjo Elizaldek, Maite Sanchezek eta Gotzone Sestorainek beraien lanbidearen berri eman zuten. Era berean, Orokietako Ernaizu kooperatibaren nondik norakoak gertutik ezagutu ahal izan zituten.
Anizko Jauregiako Aitor Azkaratek eta Kristina Saralegi leitzarrak beraien esperientziaren berri emanen dute asteazkenean 18:00etan udaletxean
Urtarrilaren 23an, asteazkenean, eginen dute Goizuetan herrian lan eta bizitzeko helburuz abiatu zen dinamikaren III. jardunaldia. Udaletxeko Batzar Aretoan izanen dute hitzordua, asteazkenean 18:00etan eta «besteen esperientziak ezagutuz ikasi nahi duen orori» luzatua diote bertaratzeko gonbidapena. Hirugarren jardunaldi honetan Anizko Aitor Azkarateren (Jauregia Esnekiak enpresako kidea) ibilbidea eta Kristina Saralegi (abeltzaina eta talogilea) leitzarraren esperientzia ezagutuko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun