Goizuetako Umore-Ona Pilota Txapelketaren III. edizioa azken txanpan da dagoeneko. Ostiralean, urtarrilaren 4an, jokatu ziren finalerdiak. Garaileek urtarrilaren 12an jokatzekoa duten finalerako txartela eskuratu dute. Finalak 10:00etan hasiko dira; gaztetxoenek emanen diete hasiera eta 22 urtez azpikoak izanen dira txapelketa borobilduko dutenak.
Benjaminak
Horiek izanen dira finala irekiko dutenak. A. Ugartemendia eta E. Bidartek (Aurrera) finalerdietan Ugalde eta Pagola (Bortziriak) 18-17 garaituta, sailkatzea lortu zuten eta E. Iturain eta O. Bergararen aurka ariko dira.
Alebinak
Ostiraleko kanporaketan Ilunpe elkarteko Labakak eta Artetxek lortu zuten finalerako txartela, U. Zabaleta eta J. Arregi (Aurrera) 18-04 atzean utzita. Finalean Artetxek, S. Gesakarekin bikote eginda, X.Apezetxea eta A. Etxeberriaren (EPLE-Umore Ona) aurka jokatu beharko du.
Infantilak
E. Oliden eta M. Bertizek (Añorga) Biurrarena eta E. Mateorena (Aurrera) 18-13 mendean hartu zituzten. Umore Onako O. Legarreta eta E. Elizegik ez dute aurrera egitea lortu, Hernani taldeko J. Deskarga eta O. Alegria 18-11 nagusitu baitzitzaien. Hori horrela, larunbateko hitzorduan joan den ostiraleko bikote irabazleen arteko lehia izanen da ikusgai.
Jubenilak
Etxaniz eta Gartzia (Bergara) Arrate eta Etxezarretaren (Andoain) kontra ariko dira. Izan ere, Etxaniz eta Gartziak, puntu bakarreko aldeaz, Olaetxea eta Gaskueren aurka (Irurtzun-Buruzgain) irabaztea lortu zuten (21-22).