Rock alternatiboa lantzen duten hiru kidek osatzen duten Soma Cult taldeak kontzertua eskainiko du abenduaren 4an, ostiralean, Leitzako Atekabeltz Gaztetxean. Donostian Kijera gaztetxeak bizi duen egoera dela eta, 22:00etara atzeratu dute hitzordua eta aurretik antolatua zuten pintxo-potea bertan behera uztea erabaki dute.
Donostiako Kijera gaztetxea urtarrilaren 3tik aurrera edozein momentutan hustu dezakete. Horren harira, Atekabeltzetik «elkartasun osoa» adierazi nahian, gaur, abenduaren 4an, 19:00etan, Donostiako Konstituzio Plazan eginen duten manifestaziora joateko deia egin dute.