Sagar patxakei buruzko hitzaldia izanen dute abenduaren 3an, ostegunean, 18:30ean, Areson. Beintza-Labaiengo Zubialde Patxakak sagarrondo mintegiko Juan Gamio izanen da hizlari. Ondotik, fruta-arbolak erosteko aukera izanen da.
Patxaka sagarrondoa
Patxaka sagarrondoa ekoizpen handiko arbola eskuzabala da, genetika eta izaerari esker kalitateko eta nutrizio balioa duen fruitua eskaintzen duena. Antzinako fruta-arbol basatia izanagatik, egiazko esentzia eta genetika gordetzen ditu eta 100-150 urte bizi daiteke.
Mendialdean gogorragoa da, erro sakon eta indartsuei esker. Haize boladei eta hezetasunari aurre egiteko eta baldintza zailetan bizitzeko gai da baita malda handiko eta emankortasun txikiko lekuetan ere.
Ohiko gaixotasunei erresistentzia handia die: fitoftora, zorriak, onddoak... eta artzaintzarekin ere bateragarria da bertze zuhaitz batzuk ez bezala zainak lurrean sakon errotzen baitira.