Goizuetako Udalak, euskara zerbitzuak, gizarte zerbitzuek eta gainerako eragileek antolatutako kultur agendaren harira, haurrentzako zinea izanen dute Goizuetan igandean. 17:00etan zehaztu dute hitzordua Herriko Etxeko ganbaran eta Olentzero eta subilaren lapurreta filmaz gozatzeko aukera izanen dute bertaratzen direnek.
Laburpena
Olentzero, azken orduko prestatze-lanak hurbil dituela, haraneko haur guztien portaera zaintzen ari da. Egun hauetan, negozio gizon maltzur bat herrira heldu da, bertako basoa deuseztatu eta eskiatzeko pista bat eraikitzeko asmotan; gainera, Olentzerori subila lapurtuko dio eta haur guztien opariak arriskuan jarriko ditu. Anje ikazkin gaztea arduratuko da gauzak bere onera ekartzeaz eta Olentzerori bere eginkizunean lagunduko dio.