Txapelketa, gutti goiti-beheiti Euskal Herri osoko 220 herritan jokatzen da –azarotik urtarrilera– eta nahi izatekotan norbere herrian antolatzeko aukera ere eskaintzen dute (informazioa esteka honetan). Aurten, kanporaketetako bat Leitzan jokatuko dute, Torrean. Abenduaren 22an, 17:00etan, dute hitzordua. Finala, berriz, Lizarran izanen da, martxoaren 19an.
50.000 euro baino gehiago saritan
Parte-hartzaile bakoitzari ematen zaion oroigarriez gainera, sailkapenean postua lortu dutenek ondoko sariak jasoko dituzte: irabazleek txapela, garai ikurra, 3.000 euro eta lau lagunentzako bidaia (Karibera); txapeldunordeak 1.500 euro eta bi lagunentzako bidaia (Karibera); hirugarrenak 750 euro eta asteburuko egonaldia (lau lagunentzat); laugarrenak 500 euro eta euskaraz ikasteko bi matrikula (urte osokoak); 5., 6., 7., eta 8. postuetako bikoteek 250 euro eta 9. postutik 16.era bitarte sailkaturikoek 100 euro.
Izen-ematea
Izena emateko kanporaketa batean agertu eta 20 euro (bikote bakoitzeko) ordaindu beharko dira. Informazio gehiagorako edo jarraipena egiteko ondoko loturan: http://www.ehmus.eus/antolatu/.