Urtezahar arratsalderako mus txapelketa ere antolatu dute
Goizuetako Umore Ona elkarteko batzorde berriak bazkideen eguna indartu nahi du. Hori dela eta, zenbait aldaketa izanen dira aurtengoan. Hasteko, egunez aldatu eta larunbatean egin ordez, igandean eginen dute. Hortaz, igande honetan, abenduaren 16an eginen dute. Beste aldaketa, aurten bazkarirako menu herrikoia izanen dela: zizka-mizkak, marisko paella eta postrea. Dena bortz eurotan. Abenduaren 9an bukatu zen txartelak eskuratzeko epea.
Sari potoloak mus txapelketan
Beste urte batez, Urtezahar arratsaldean mus txapelketa ere antolatu du Umore Onak. 16:00etan hasiko da elkartean. 10 euro ordaindu beharko dute bikoteek, baina sari potoloak ere izanen dira aurten: bikote txapeldunak 100 euro eta oparia eskuratuko ditu, txapeldunordeak 50 euro eta oparia eta hirugarren eta laugarren sailkatuek ere bere oparitxoa eskuratuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.