Goizean kalejira egingo dute herrian barna, euskal kantak abestuz. Mahaiaren bueltan bilduko dira gero, banabarrak, kontsumo taldeak emandako aza, odolkia eta saiheskia eta postrea izango dira bazkaltzeko. 17:00etan Miruren Olentzero Kuttun ikuskizuna izango da haurrentzat..
Herri osoarentzat antolatutako pesta izanik, lanerako ere denei egin diete gonbidapena: mahaiak jarri, banabarrak prestatu... ezin baita beti batzuek lan egin eta besteak jai. Bazkalondoan, mus txapelketa azkarra antolatu dute eta haurrentzat sorpresaren bat ere izango omen da. Pesta giroa soinean ere nabaritu dadin, baserritarrez janzteko ohitura berreskuratu nahi izan dute, jantzirik dotoreenari saritxo bat emango diote. Era berean, herritar askorentzat Euskaraldia borobiltzeko eguna ere izanen da.