Festetan animaliek jasaten duten «zapalkuntza» ageri da Askekintzak egindako dokumentalean
Iragarri bezala, egitarau betearekin doa azaroa eta abendua ere halaxe izanen da. Aipatzekoa da joan den urtean sekulako arrakasta izan zuen Katarrapikaka lehiaketa oraingoz atzeratzea erabaki dutela antolatzaileek, baina gainerakoan, aurreikusi bezala egiten ari dira ekitaldiak. Aste honetan ere izanen da ekitaldirik. Ostiral honetan, azaroak 30, Gurean dokumentala ikusteko aukera izanen da Ganbaran. Animaliek Euskal Herriko festetan jasaten duten tratua salatzeko lana da Gurean, Askekintzak egina. 18:30ean eskainiko dute.
Abendukoak
Abenduaren 15ean errege opila egiten ikasteko ikastaroa antolatu dute. Ceban ostalaritza eskolak emanen du eskolako jangelan eta interesatuek Amaia kafetegian eman beharko dute izena.
Abenduaren 22an, bestalde, nazioarteko jaia eginen dute eta abenduaren 30ean haurrentzat zinema izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.