Goizueta eta Aranoko familiek pediatria zerbitzua eskatu dute berriz ere

Ttipi-Ttapa 2018ko aza. 26a, 16:11
Goizueta eta Arano guraso eta herritarrak, pediatria zerbitzua eskatuz ostiralean egindako elkarretaratzean.

Elkarretaratzea egin zuten ostiralean Xalto eskolan 

Goizueta eta Aranoko herritarrak, Osasunbideak pediatraren zerbitzua berriz Goizuetan jartzeko mobilizatzen ari dira. Joan den astean elkarretaratzea egin zuten Goizuetako Xalto eskolan.

 

2018ko otsaila arte Leitzako osasun zentroan atxikitua zegoen pediatrak ematen zuen zerbitzua Leitza, Lekunberri eta Goizuetan. Data honetatik aurrera zerbitzua kendu zuten eta larrialdietan Leitzara (ordubete, joan etorria) joateko agindu zieten.

Maiatza arte, aurretik zegoen pediatrak, bere borondatez, zerbitzua ematen zuen.

Alkatea zonaldeko arduradunakin bildu, sinadurak bildu, kontzentrazioak egin… ondoren, Goizuetan berdin jarraitzen dute, zerbitzurik gabe.

Zonaldeko pediatriako postuak hiru herriak hartu behar dituela kontutan hartuta, Goizueta eta Aranoko herritarrak pediatraren zerbitzua herrian eskatzen dute.

Gurasoek idatzi bat erregistratu zuten Goizuetako udaletxean. Bertan, alkatea Osasunbideko arduradunen batekin biltzea eskatu zuten, gai honetaz aritzeko. Gainera, zerbitzu hau eskatuz astero elkarretaratzea egiteko asmoa ere azaldu zuten.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun