Bertako merkataritza sustatzeko kanpaina abiarazi dute Leitzan

Kaxkabeltza merkatari elkarteak herriko merkataritza sustatzeko eta euskara kontuan hartzeko kanpaina abiatu zuen azaroaren 12an eta hilaren 25a arte egonen da indarrean. UEMA eta Gobernuaren laguntzaz egindako kanpainak bi aste iraunen du eta bereziki herriko dendetan erosteak herria bizirik eusteko duen garrantzia azpimarratu nahi dute. 

 

Horretarako Leitzan erosteko hamar arrazoi bildu dituzte: «merkatariak eta ostalariak bizilagun ditugulako; gertuko tratua ematen digutelako; herriko jaietan eta herri-bizitzan laguntzen digutelako; gure gastua herritarren mesederako delako; gutaz fidatzen direlako; herriko berri ematen digutelako; bertatik bertara ditugulako; herri bizia eta segurua egiten dutelako; herritarrei lana ematen dietelako; eta aberastasuna herrialdean bertan banatzen dutelako». 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun