erran.eus

Mendialdeko parte-hartzeari buruzko topaketa eginen dute azaroaren 16an

  Gizartea  Leitzaldea  Leitza

Udaletxeko Batzar Aretoan, 09:00etan

Gobernuak eta Cederna Garalurrek, elkarlanean, antolatuta, parte-hartzeari buruzko topaketa izanen dute azaroaren 16an. Mendialdeko toki entitateetako eta beste erakunde sozial, enpresatial eta aholku-emaile batzuetako politikariak eta teknikariak, unibertsitateak, tokiko garapen-agentziak, lanbide elkargoak, hedabideak, gai horrekin lotura duten adituak, sindikatuak... interesa duen beste edonork har dezake parte. Helburuak «herritarren parte-hartzeak duen garrantziaz hausnartzea, esperientziak aurkeztea eta proposamen batzuk bereiztea» izanen dira.

Mendialdeko parte-hartzeari buruzko topaketa eginen dute azaroaren 16an
Leitza Kontsumituz prozesuaren berri emanen dute | Ikusi handiago | Argazki originala

 

Egitaraua
09:00etan Mikel Zabaletak, Cederna Garalur elkarteko Maite Iturrek eta Ana Ollok eginen dute topaketaren irekiera. Segidan, Javier Asinen eskutik, Herritarren parte-hartzea kudeaketa publiko eta pribatuan izanen dute hizpide. 10:00etan Leitza Kontsumituz prozesua mahairatuko dute eta Markel Azkagorta izanen da hizlari. Segidan Mendialdeko udal eta kontzejuek bultzaturiko bertze esperientzia batzuk partekatuko dituzte. Atsedenaldiaren ondotik, 11:05etan, Mendialdeko bestelako entitateek sustatutako esperientziak aurkeztuko dituzte, tartean Baztango Zaporeak elkartekoa. 11:45ean Parte-hartze publiko eta soziala bulkatzeko aurrerapenak eta erronka berriak izeneko hitzaldia izanen dute. Entzuleei hitza emanez bukatuko dute topaketa.

2018/11/16 09:00etan hasita

Udaletxea | Leitza

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa