Laugarren edizioak berrikuntzak dakartza. Izan ere, aurten Leitza eta Aresoko ostatu eta jatetxeek, bertako produktuen alde egiten ari diren apustua ikustarazteko, bi ekimen garatuko dituzte. Ostiralean, azaroak 9, bertako produktuen pintxo-potea eginen dute Leitzako ostatuetan. Azoka egunean, berriz, Leitza eta Aresoko ostatu eta jatetxeek bertako produktuekin osatutako Azoka Menua eta plater bereziak eskainiko dituzte. Bi ekimen horietako jatetxe eta ostatu parte-hartzaileek identifikagarriak izango dituzte.
Horrela bada, «guztion onerako izanen den elikadura eredu osasuntsu, burujabe, jasangarri eta justura» bidean urrats bat gehiago emanen dute.