Nafarroa osoko eskolen Berrikuntza Proiektuen artean aukeratu dute eta horren berri emanen dute Tuteran eta Iruñean
Nafarroako Eskola Kontseiluko XXII. Jardunaldien baitan Berrikuntza Proiektuen jardunaldiak eginen dituzte aurten. Jardunaldi horietan, Leitzako Amazabal BHI ikastetxeak parte hartuko du, 2017-18 ikasturtean burutu zuen ‘Leitza urratsez urrats-Leitza paso a paso’ proiektuarekin. Urriaren 23an Tuteran eta arazoaren 7an Iruñeko Nafarroako Museoan aurkeztuko dute proiektua, Nafarroa osoko beste batzuekin batera.
Leitza urratsez urrats
Proiektu honekinm, bestelako mugikortasun eredu bat aldarrikatu dute Amazabal ikastetxeko ikasleek, Leitzan oinez eta seguru ibili nahi dutela adierazi eta oztopo arkitektonikoen eta ibilgailuen erabileraren inguruan hausnartzera gonbidatu. Amazabal ikastetxeko DBH eta Batxilergoko ikasleek egindako lanketa berezi honen azken pausoa kalejira bat izan zen. Aurretik, Udalari herriko mugikortasunari buruzko txostena aurkeztu zioten eta abestia eta bideoklipa ere egin zituzten.
