Datorren astelehenean ospatuko den Landa Eremuko Emakumeen Nazioarteko Egunaren harira bilduko dira 16:00etan udaletxean
Landa Eremuko Emakumeen Nazioarteko Eguna izanen da urriaren 15ean. Horren harira, Berdintasun Batzordeak antolatuta, urriaren 15ean, astelehenean, emakume baserritarren elkargunea eginen dute Leitzan. Baserritik soilik bizi diren emakumeek edo diru-iturri nagusia baserria dutenek, udaletxean dute hitzordua, 16:00etan.
Besteak beste, baserritar emakumeen nahiak, ametsak eta beharrak izanen dituzte hizpide eta, bide batez, etorkizuneko erronkei tarte egiteko parada izanen dute. Parte-hartzaileek hala erabakitzen badute, ahalduntze prozesu bat hasiko dute emakume-taldearekin. Marian Cestauk bideratuko du.
Informazio gehiago eskuratzeko edota izena emateko, 948 510840 telefonora deitu edo 674 086926 zenbakira Whatsapp bat idatzi behar da, urriaren 12a arte 09:00etatik 14:00etara bitarte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.