Irailaren 25era bitarte aurkez daitezke lanak Leitzaldeko Gizarte Zerbitzuen Mankomunitatean
Leitzaldeko Berdintasun Batzordeak Goizueta eta Aranoko emakumeen parte-hartzea aztertzeko beka deialdia egin du. Deialdiaren helburua «Goizueta eta Aranoko emakumezkoek XX.mendearen bigarren erditik gaur egunera bitarte Goizuetan eta Aranon izan duten lanaren oroimena berreskuratzea da, berdintasunaren alde jardundakoei dagokien aitortza eginez». Eskaerak eta gainerako agiriak irailaren 25era arte aurkez daitezke, Gizarte Zerbitzuen Mankomunitateko bulegoan (Elbarren 1, Leitza).
Bekaren ezaugarriak
Bekak, esleitzen den egunetik hasita, bost hilabeteko balioa izanen du. Bi hilabete luzatzeko aukera egonen da. Kasu horretan, luzapen-eskakizuna epea bukatu baino hilabete bat lehenago aurkeztu beharko da. Onuradunak 4.200 euro jasoko ditu ikerketa lana egiteko. Lan hori originala eta argitarabea izanen da.
Eskatzaileentzako baldintzak
Eskatzaileek adinez nagusiak izan behar dute eta euskara titulua (C1) beharko dute. Gehienez ere hiru pertsonez osatutako taldeak onartuko dira. Informazio gehiago: www.goizueta.eus edo idazkaria@mendialdea.eus.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.