Txapelketan parte hartzen duten 10 sagardo dastatu ahal izan zuten Umore Onako afarian parte hartu zuten 80 lagunek
80 lagunek gainezka bete zuten Goizuetako Umore Ona elkartea irailaren 15ean, Euskal Herriko IV. Sagardo Txapelketa herrikoiaren finalaurrekoaren harira. Irailaren 8an abiatu zen txapelketa Beasainen eta Goizuetako hitzorduaren ondotik, Oñatin eta Urnietan izanen du segida, irailaren 21ean eta 22an, hurrenez hurren. Finala irailaren 29an izanen dute, Usurbilen.
Txapelketan parte hartzen duten hamar sagardo dastatu ahal izan zituzten Umore Onan eta finalerako sailkatuko diren bi sagardo aukeratu zituzten. Hain zuzen, emakumeek osatutako mahaiak eman zion puntuaziorik altuena gerora lehenbizi gelditu zen sagardoari eta irailaren 29ko finalerako bi gonbidapen jaso zituzten saritzat.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.