erran.eus

Garbigunea bisitatzeko aukera eta ordenantzari buruzko bilera irailaren 18an Leitzan

  Gizartea  Leitzaldea  Leitza

Garbigunean bertan dute hitzordua, 20:00etan

Mendialdea Mankomunitateak garbiguneen bidez hondakinak jasotzeko zerbitzua emateko asmoz, eta 2017-2019ko Nafarroako Tokiko Inbertsioen Planari eta Hondakinen Partzuergoari finantzaketari esker, bi garbigune eraiki ditu; bat Leitzan eta bestea Goizuetan. Leitzako lanak bukatuta, irailaren 18an, asteartean, bisita eta ordenantzaren parte-hartze prozesuari buruzko bilera eginen dute, garbigunean bertan, 20:00etan.

Garbigunea bisitatzeko aukera eta ordenantzari buruzko bilera irailaren 18an Leitzan
Garbigunea martxan jartzeko eta hondakinak eraman ahal izateko langile bat kontratatuko du | Ikusi handiago | Argazki originala

 

Garbigunea eskala txikiko eta kudeaketa zaileko etxeko hondakinen kudeaketarako tresna izango da. Besteak beste, aparatu elektrikoen, obra txikietako eraikitze eta eraiste hondakinen, altzari eta tamaina handiko hondakinen, garbiketa eta pintura produktu berezien, hondakinen, metalen, egurraren, pilen... kudeaketa hobetzeko helburuarekin eraikia.  Etxeko eremutik kanpoko hondakinak ez dira bilduko; hau da, enpresa jardueren titularrek sortutako hondakin industrial edo arriskutsuen bilketa ez du bere gain hartuko.

Langile bat kontratatuko dute

Garbigunea martxan jartzeko, Mankomunitateak ondorengo asteetan, garbiguneen kudeaketarako ordenantza onartuko du eta langile bat kontratatuko du, ordutegi zehatz batean garbigunera hondakinak eraman ahal izateko. Leitzako garbigunea Landa eta Inurrista artean eraiki dute Sakulu auzoko errepide bazterrean.

2018/09/18 20:00etan

Garbigunean Leitzaldea Leitza

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa