Iskibi kanpineko Euskal Jaiak hamaikagarren edizioa beteko du igandean Goizuetan

Ttipi-Ttapa 2018ko ira. 13a, 11:09
Deskargatu Info Ahotsak :
es en fr

Giro ederra segurtatua dago Iskibi kanpineko Euskal Jaian.

Herri kirolak, taloak eta musikak osatuko dute egitaraua

Goizuetako urteko festen artean, indar handia hartu duen Iskibiko Euskal Jaiak hamaikagarren edizioa beteko du igande honetan, irailaren 16an. Urtero bezala, hainbat ekitaldi izanen dira eta guztiak kanpinean. Seguruenik, azken Euskal Jaia izanen da, gaur eggnog arduradunek kanpinaren azken denboraldia izanen dela iragarri baitute.

 

Igande eguerdian hasiko da festa. 12:30ean herri kirol saioa izanen da, Patxi Larretxea eta bere taldearekin. 14:00etan, talo jatea eginen dute herriko talogileen eskutik; taloa hirugiharra, txistorra, gazta eta txokolatearekin eskainiko da. Sagardoa, ardoa, kafea edo koparik ere ez da faltako.

Arratsaldean, 17:00etan toka txapelketa jokatuko da eta egun osoan trikitilariak ibiliko dira giroa alaituz.

Euskal Jai honetan parte hartu nahi duenak Amaia kafetegian edo Iskibin berean eskuratu ahalko ditu, 16 eurotan. Haurrek 6 euro ordaindu beharko dute.

 

Kanpinaren agurra irailaren 22an

Irailaren 22rako, larunbat honetarako, berriz, itxiera besta antolatu dute Iskibi kanpinean. Berezia izanen da, kanpinaren azken denboraldia izanen baita aurtengoa. Oiartzungo Nunguayaz taldeak girotuko du agurra, eta nahi duenak, DJaren musika lagun, parranda luzatzeko aukera ere izanen du. 

Gizartea Leitzaldea Goizueta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun