erran.eus

Elkartasuna elkartea desegiteko prozesuari ekinen dio Goizuetako Udalak

  Gizartea  Leitzaldea  Goizueta

Estatutuak aldatzeko batzarra deitu du irailaren 15erako eta hilaren 28an disoluzioa proposatzeko bilera eginen du

Elkartasuna elkartearen ondasunak eskumen osoz kudeatzera pasatzeko arrazoiak eman ditu Goizuetako Udalak irailaren 7an egindako batzarreab 30 lagun elkartu ziren bilkuran. Besteak beste, Elkartasuna elkartearena da Iriartenea eraikuntza, garai batean Tifanitxo eta gaztetxea hartu duen eraikina. Urteotan hainbat lan egin dira etxe honetan, baina elkarte pribatu batena denez, ezin du Udalak dirulaguntza ofizialik lortu.

Elkartasuna elkartea desegiteko prozesuari ekinen dio Goizuetako Udalak
Elkartasuna elkartearen desegiteari buruzko informazioa eman zuen ostiralean udalak eta orain, estatutuak aldatzeari buruzko batzarra deitu du larunbaterako. | Ikusi handiago | Argazki originala

 

Jendeak ulertu ditu Udalaren arrazoiak Elkartasuna elkartea desegitea bultztazeko. Baina bada bertze arazo bat: estatutuen arabera, 18 urtetik gorako goizuetar guztiak dira berez Elkartasuna elkarteko bazkide, baita zergaren bat Goizuetan ordaintzen duten kanpotarrak ere. Horien %80ak onartu behar du elkartearen disolbitzea eta hori praktikan ezinezkoa ikusten du Udalak. Hori ezin gauzatua ikusten delako, estatutuak aldatu nahi dituzte. Hori egiteko larunbat honetan eginen dute hurrengo batzarra, irailaren 15ean, goizeko 11:00etan eskolan. Hori egin ondoren, disoluzioa proposatuko den bilera irailaren 28an, ostiralean, 18:00etan eskolan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa