Parte hartzeko
Uztailaren 31ra arte bidal daitezke, Whatsappez 681 265188 telefonora idatziz; Laga Gizarte Zerbitzua Facebookera idatziz; edo Twitter bidez (Laga Gizarte Zerb). Mezuan honako datuok bildu behar dira: parte-hartzailearen izena eta kontaktua, abestia eta abeslaria edo taldea. Nahi izatera, abestia bera ere bidal daiteke.
Sariak
Hiru sari banatuko dituzte: lehendabizikoari 90 euroko balioa duten kontzertu baterako sarrerak emanen dizkiote, bigarren eta hirugarrenari, berriz, 30 euroko erosketa-txartela. Liburu-denda batean gastatzeko izanen da.
Sari-banaketa abuztuan, Goizuetako festetan, eginen dute. Hala ere, antolatzaileek posta elektroniko edo telefono bidez jakinaraziko dute nor izan den. Antolatzaileek parte hartzeko deia luzatu nahi izan dute: «festetan giro polita sortzeko, dantza egiteko, ongi pasatzeko... musika behar dugu. Animatu, parte hartu eta zure aukera bidali» gaineratu dute.