Leitzako osasun etxean pediatrarik gabe daude

Leitzako osasun etxean ez dute ordezko pediatrarik. Horren faltan erizaina ari da pediatrari dagozkion lanak egiten. Leitzarrek ez ezik, goizuetarrek, aranoarrek eta aresoarrek ere zerbitzua bertan jasotzen zutela aintzat harturik, Leitzaldeko herritarrek egoera salatu nahi izan dute.

Goizuetan eta Aranon sinadurak biltzen ari dira, «oinarrizko pediatria zerbitzua, astean behinekoa, eskatuz». Areson ere hasi dira. Leitzan bilerak egin dituzte. Orain arteko pediatrak Irurtzungo plaza hartu du eta hilabete batzuetan zerbitzua eskaini du, bere borondatez (Irurtzunen goizez eta Leitzan arratsaldez). Eta abuztuan ere, egun batzuetan joatekoa da.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun