Iruñeko sanferminetan jokatzen ari diren Nafarroako herri-kirol txapelketen barne, astelehen eguerdian emakumezkoen eta gizonezkoen lehen mailako arpana txapelketak jokatu dituzte. Gizonezkoetan, lau bikote aritu dira lanean eta Josetxo eta Iñaki Barberena Iraizozko anaiak nagusitu dira. Julen Kañamares (Arostegi) eta Mikel Eugi (Beunza) bigarren izan dira; Adrian Berruezo (Ibero) eta Alberto Oteiza (Legarreta) hirugarren eta Oier eta Imanol Kañamares (Arostegi) laugarren. Etzanda paratutako kanaerdiko enborrari 14 epai eta zutik jarritako kanaerdikoari lau epai eman behar izan dizkiote.
Horrez gain, Patxi Larretxeak arpanean eta aizkoran, altueran, erakustaldia eskaini du.
