Gabriel Saralegik botako du Leitzako pestako txupinazoa

Ttipi-Ttapa 2018ko uzt. 6a, 07:00
Gabriel Saralegi, Leitzako udaletxean

379 herritarrek eman dute botoa eta horietatik 130 Gabriel Saralegirentzat izan dira

Herri-kirolak bultzatzen eta herriko beste ekimenetan auzolanean egindako lanaren adierazle, Gabriel Saralegiren altxaferoarekin lehertuko dira Leitzako pestak. Aurten, lehendabizikoz, herritarrek erabaki dute txupinazoa nork bota.

 

Pesta Batzordeak hiru hautagai jarri zituen: Villabonako Talogileak (30 urtez Kultur Aroan auzolanean ibili direnak); Gabriel Saralegi (herri-kirolzale eta bultzatzailea) eta eskolako irakasle jubilatuak (hiru belaunaldi hezten ibili direnak). Guztira 379 herritarrek eman dute bozka eta horietatik 130 Gabriel Saralegirentzat izan dira. Urte askotan herri-kirolak bultzatzen eta herriko ekimenetan, auzolanean, egin duen lana goraipatu nahi izan dituzte.  Udalak bai herritarrak, bai eta beste bi hautagaiak ere, eskertu nahi izan dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun