erran.eus

Etxauriko antzinako harria jasotzen ariko da Josetxo Urrutia leitzarra ekainaren 17an

  Kirola  Leitzaldea  Leitza

15. edizioan, Kortaberri, Goenatxo eta Guzta gipuzkoarrak eta Sergio Miego madrildarra ere 136 kilo terdiko harriarekin ariko dira igandean 13:00etan

Alberto Lakosta zenaren omenez, Etxauriko antzinako harriaren jasoaldia eginen da hamabosgarren urtez Etxaurin ekainaren 17an, igandean 13:00etan, Lurgorria kultur elkarteak antolatuta. Bortz minutuko txandan, 136 kilo terdiko harriari ahalik eta jasoaldi gehien ematen saiatuko dira Josetxo Urrutia leitzarra, Aiako Imanol Illarramendi ‘Kortaberri’, Madrilgo Sergio Mielgo eta Azkoitiko Jon Unanue ‘Goenatxo’ eta Xabier Aranburu ‘Guzta’.

Etxauriko antzinako harria jasotzen ariko da Josetxo Urrutia leitzarra ekainaren 17an
Josetxo Urrutia Etxauriko harĂ­a altxatzea, aurreko edizio batean. | Ikusi handiago | Argazki originala

 

Alberto Lakosta Etxauriko aizkolaria izan zen, eta 2000. urtean hil zen.

Etxarrin zuten ohitura zahar bat berreskuratu zen bere omenez. Izan ere harri horrekin apustuak egiten ziren eta hainbat botila ardo jokatzen zituzten. Hain justu ere 2000an jokatu zen lehen aldikoz txapelketa..

Errekorra Aimar Irigoienek dauka (17 jasoaldi). 2012an Izeta II.ak egindako marka bi altxalditan hobetu zuen. 2009az geroztik ezin da erretxina erabili eta ezta bertzelako eransgarririk ere.

Saioari ekin aurretik, harri-jasotzaile bakoitzak eskuak garbitu beharko ditu. Berdinketarik balego, harri-jasotzailerik arinenak hartuko luke aurreko postua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa