Gorriztaran auzoko pesta ekainaren 17an izanen dute aurten Leitzan

Gorriztaran auzoko pesta ekainaren 17an izanen dute aurten Leitzan
Urtero bezala, txintxurrin txapelketak ikusmina piztuko du.

Igandean, egun osoan hainbat ekitaldi antolatu dituzte Usategietako gainean 

Gorriztaran auzoko jaia aurreratu egin dute aurten. Ekainaren 17an, igandean, izanen da aurten. Urtero bezala, Basakabi aurrean, Usategietako gainean ospatuko da jaia. 

 

Egun osoko egitaraua prestatu dute, guztien gozamenerako. 10:00etako mezarekin hasiko dute eguna. Ondotik, herri kirolak, proba bereziak (nahi duenak parte hartu ahal izango du) eta haurrentzako jokoak izanen dituzte. 14:00etan mahaiaren bueltan bilduko dira. Bazkarirako txartelak egunean bertan Basa-Kabin salgai izango dira. 17:00etan XXXIV. mus txapelketa (10 euro) izanen dute eta ordubeteren buruan dantzaldia hasiko da. 19:30ean Txintxurrin txapelketa eta segidan zozketak (momentuan aurkeztu behar da zozketa-txartela) izanen dituzte. Eguna txokolate beroa dastatuz bukatuko dute. Trikitilariek ez dute hutsik eginen, bazterrak mugiarazten ibiliko dira.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun