173 txirrindularik parte hartu zuten ekainaren 3an Goizuetan, Iskibi kanpineko bederatzigarren mendi bizikleta zeharkaldian. Gehienak gipuzkoarrak ziren (Hernani, Orereta, Donostialdea…) baina baziren eskualdekoak ere (Goizueta, Baztan, Malerreka…).
Giro eguzkitsu bikaina izan zuten zeharkaldiak iraun zuen bitartean. Irabazlerik ez zen izan, proba ez baita lehiakorra. Bestalde, kanpinetik goraipatzen dute, «aurten ere, eta beste urtetan bexalaxe, herriko jende askok lagundu digula, Goizuetarren laguntzarik gabe ezinezkoa izango genuke zeharkaldi hau antolatzea. Herriko suhiltzaileak ere zeharkaldi osoan egon ziren zerbait gertatuko balitz ere».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.